#投稿
#阿毛投稿
愛你定害你，好多時只係一線之差
因為疫情關係呢年幾以嚟老人院都唔可以探訪，所以好多家人已經好長時間無見過長者。
長者因身體不適嚟到急症室，反而造就咗比佢地相見嘅機會。
有個病人係長期住老人院嘅長者，定時會去醫院更換胃喉，記住，係胃喉，即係病人吞嚥有問題，食物要經呢條胃喉去消化系統，唔可以用口食嘢。
等候非緊急救護車返去老人院，因為等候時間都比較耐，護士間唔中都會去望下病人情況，確保佢情況穩定。病人個女都趁住呢一個時候嚟到醫院見吓佢。
護士定時嚟檢查病人時，覺得病人個口有啲唔妥。護士張開病人個口，發現入面有食物！！！
女：我哋好耐無見啦，見佢好可憐咁，比啲嘢佢食吓囉。
小姐，病人用緊胃喉，點食到其他嘢呀？ 🙄 好彩發現得早，病人吞唔到落去咋，夾硬吞落咗肺就死得人㗎
Search